ذريعه: الرساله فروري 2013

بليز پاسكل(Blaise Pascal) ايك فرانسيسي سائنس داں تھا- وه 1623 ميں پيدا هوا اور 1662 ميں صرف 39 سال كي عمر ميں اس كا انتقال هوگيا- 18 سال كي عمر ميں وه خرابي صحت (poor health) كا شكار هوگيا- علاج كے باوجود وه پھر كبھي صحت مند نه هوسكا- بليز پاسكل ايك مسيحي خاندان ميں پيدا هوا تھا- اپني آخري عمر ميں اس نے سائنس كو چھوڑ ديا اور مذهب (theology) كے مطالعے ميں مشغول هوگيا- پاسكل كي سوانح حيات ميں اس كے بارے ميں درج هے كه — آخري الفاظ جو پاسكل كي زبان سے نكلے، وه يه تھے:

Pascal’s last words were: “May God never abandon me”!

انسان كا تخليقي ضعف انسان كے ليے ايك رحمت هے- اِسي ضعف كا يه نتيجه هے كه انسان خدا كے مقابلے ميں اپنے عجز (helplessness) كو دريافت كرتا هے-

پاسكل نے جو كچھ كها، وه دراصل انساني فطرت كي آواز هے — قرآن ميں بتايا گيا هے كه: خُلِقَ الإنسانُ ضعيفاً (4: 28) يعني انسان كمزور پيدا كياگيا هے-

انسان كا تخليقي ضعف انسان كے ليے ايك رحمت هے- اِسي ضعف كا يه نتيجه هے كه انسان خدا كے مقابلے ميں اپنے عجز (helplessness) كو دريافت كرتا هے- اگر ايسا نه هو تو انسان اپني حيثيتِ واقعي كي دريافت سے محروم ره جائے-اِس دنيا ميں هر مائنس پوائنٹ (minus point)كا ايك پلس پوائنٹ (plus point)هے- نادان آدمي مائنس پوائنٹ ميں پھنس كر ره جاتا هے اور دانش مند آدمي پلس پوائنٹ كو دريافت كركے اپني ترقي كا نيا راز پاليتا هے-

انسان كا تخليقي ضعف اُس كو سركش بننے سے بچاتا هے، وه آدمي كے اندر تواضع (modesty) كي صفت پيدا كرتاهے، وه آدمي كو اِس سے بچاتا هے كه وه بے جا خود اعتمادي (over confidence) كي نفسيات ميں مبتلا هوجائے، وه آدمي كو انسانِ حقيقي (man cut to size) بننے ميں مدد ديتا هے، وه انسان كو خدا فراموشي كي برائي ميں مبتلا هونے نهيں ديتا، وه انسان كو خدا سے قريب كرنے والا هے، وه انسان كو اِس قابل بناتا هے كه وه اپنے معاملات كي حقيقت پسندانه منصوبه بندي كرسكے-