علم كي دوقسميں

علم كي دو قسميں هيں — ايك وه علم جس كا تعلق انساني فكر اور انساني زندگي سے هوتا هے۔ ايسے علم كو اصطلاح ميں علمِ انساني (humanities) كها جاتا هے۔ دوسرا علم وه هے جس كا تعلق مادي شعبه سے هے۔ ايسے علوم كو سائنسي علوم كهاجاتا هے۔ دونوں قسم كے علم كے مطالعے كے طريقے الگ الگ هيں۔ ايك علم كے طريقے كو دوسرے علم كے معاملے ميں استعمال نهيں كيا جاسكتا۔

مثلاً سائنسي علوم كي بنياد رياضيات (mathematics) پر هے۔ ايسے علوم ميں قطعي استدلال يا ناقابلِ انكار استدلال ممكن هوتا هے۔ ان كو دو اور دوچار كي طرح ثابت كيا جاسكتا هے۔ اِس ليے سائنسي علوم ميں اختلاف نهيں پايا جاتا۔

سائنسي علوم ميں يه ممكن هوتا هے كه كسي موضوع پر مختلف اهلِ علم كا اتفاقِ رائے حاصل كرليا جائے۔ مگر علمِ انساني (humanities) ميں اِس قسم كا رياضياتي استدلال ممكن نهيں۔ اِس ليے علمِ انساني كے معاملے ميں لازمي اتفاقِ رائے بھي ممكن نهيں۔

دونوں قسم كے علوم ميں اِس فرق سے ايك اهم اصول معلوم هوتا هے، وه يه كه جو شخص علمِ انساني يا مذهب كے معاملے ميں يقين كا درجه حاصل كرنا چاهے، اُس كو يه توقع نهيں ركھنا چاهئے كه يهاں سائنسي علوم كي مانند رياضياتي استدلال ممكن هوجائے گا۔ حقيقت يه هے كه انساني علوم كا معامله ففٹي ففٹي كے اصول پر مبني هے۔ پچاس في صد استدلال (reasoning) اور پچاس في صد وجدان (intuition)۔

پهلے جزء كا تعلق معلومات (information) سے هے، اور دوسرا جزء معرفت يا حقيقت شناسي (realization of truth) سے تعلق ركھتا هے۔ جو آدمي صرف معلومات كو جانتا هو، مگر اس كے اندر حقيقت شناسي كي صلاحيت موجود نه هو، وه هميشه ذهني انتشار (confusion) ميں مبتلا رهے گا، وه كبھي سچائي تك پهنچ نه سكے گا۔