شخصيت كاارتقا

قرآن كي ايك اصطلاح تزكيه هے۔ انساني فلاح كا ذريعه قرآن ميں تزكيه ( 91:9-10) كو بتايا گياهے۔ قرآن كے مطابق جنت كي اعلي دنيا ميں صرف ان افراد كو داخله ملے گا جنھوں نے موجوده دنيا ميں اپنا تزكيه (20:76) كيا تھا۔

تزكيه كا لفظي مطلب تطهير (purification) هے۔ جس طرح خام لوها (ore) مختلف قسم كے شديد مراحل سے گزر كر ايك با معني مشين كي صورت اختيار كرتاهے، اسي طرح انسان كي شخصيت بھي مختلف قسم كے شديد مراحل سے گزر كر ايك مزكي شخصيت (purified soul) كي صورت اختيار كرتي هے۔

يه شديد مراحل كيا هيں، يه شديد مراحل وه هيں جب كه انسان كو غير مطلوب حالات سے سابقه پيش آتا هے۔ يه غير مطلوب حالات وه مواقع هيں، جن سے گزرتے هوئے انسان اپني شخصيت كي تعمير كرتاهے۔

جب انسان كي ايگو پر ضرب لگے اور وه عدل پر قائم رهے، جب انسان كو غصه آئے اور وه اپنے غصه كو كنٹرول كرلے، جب انسان كو كوئي بڑائي ملے ليكن وه متواضع (modest) بنا رهے، جب انسان كےاندر انتقام كي آگ بھڑكے اور وه اپنے اندر هي اندر اس آگ كو بجھا دے، جب انسان كے اندر كسي كے خلاف نفرت جاگ اٹھے اور وه پھر بھي اس كے ليے اپني خير خواهي كو باقي ركھے، جب انسان پر كوئي دباؤ نه هو، اس كے باوجود وه اعتراف (acknowledgement) كا ثبوت دے، وغيره۔ يهي وه مواقع هيں جو انسان كا تزكيه كرتے هيں اور انسان كے اندر اعلي شخصيت كي تعمير كرتے هيں۔

يه مواقع معتدل حالات ميں پيدا نهيں هوسكتے، يه صرف غير معمولي حالات (abnormal situation) ميں پيداهوتے هيں۔ قرآن كے مطابق اس امتحان ميں وهي شخص كامياب هوسكتا هے جس كے اندر صبر كي صفت پائي جائے (فصلت:35)۔