اختلاف كے باوجود
علماءِ سلف كے حالات پڑھنے سے معلوم هوتا هے كه اُن كے درميان ديني مسائل ميں كثرت سے اختلاف پايا جاتا تھا۔ اِس كے باوجود هر عالم دوسرے عالم كا احترام كرتا تھا۔اِس سلسلے ميں يهاں دو واقعات نقل كيے جاتے هيں: ’’ابن عبد البر نے نقل كيا هے كه امام احمد بن حنبل اور علي بن المديني كے درميان ايك مسئلے پر بحث هوئي اور بحث ايسي هوئي كه دونوں طرف سے آوازيں بلند هونے لگيں۔ مجھے انديشه هونے لگا كه آپس ميں بد مزگي پيدا هوجائے گي، ليكن علي بن المديني واپس جانے لگے تو امام احمد بن حنبل نے ان كے ساتھ اِس درجه احترام كا معامله كيا كه آگے بڑھ كر ان كي ركاب تھام لي (جامع بيان العلم 2/107)۔
اِسي طرح يونس صدقي امام شافعي كے ممتاز شاگردوں ميں سے هيں۔ ايك دن ايك مسئلے ميں استاذ سے خوب بحث هوئي، پھر جب اگلي ملاقات هوئي تو امام شافعي نے ان كا هاتھ پكڑا اور فرمايا كه كيا يه بات بهتر نه هوگي كه هم بھائي بھائي بن كررهيں، خواه كسي مسئلے ميں بھي همارے درميان اتفاق پيدا نه هوسكے: ألا يستقيم أن نكون إخواناً وإن لم نتفق في مسألة‘‘۔ (سير أعلام النبلاء10/16 ، بحواله ماه نامه الفرقان، لكھنؤ، جون 2014، صفحه 41)
اِس طرح كے واقعات كا مطلب صرف باهمي احترام (mutual respect) نهيں هے، بلكه اِن واقعات ميں ايك اور زياده بڑا پهلو هے اور وه هے اختلافِ رائے (difference of opinion) كا احترام۔ دوسرے الفاظ ميں يه كه اختلاف ِ رائے كو علمي پهلو سے ديكھنا، نه كه شخصي پهلو سے۔
اختلافِ رائے كا احترام كوئي ساده بات نهيں، اس كا براهِ راست تعلق ذهني ارتقا سے هے۔ جس ماحول ميں اختلافِ رائے كو برا نه سمجھا جائے، وهاں لازماً ڈسكشن كا ماحول هوگا۔ لوگ علمي دلائل كے ذريعے اپنا اپنا نقطه نظربيان كريں گے۔ جهاں اختلافِ رائے كو برا سمجھنے كے بجائے اختلافِ رائے كا احترام پايا جاتا هو، وهاں ذهني جمود نه هوگا، بلكه ايسے ماحول ميں ذهني ارتقا كا عمل جاري رهے گا اور ذهني ارتقا بلاشبهه كسي انسان كي سب سے بڑي ضرورت هے۔
