تخليقي حل

موجوده زمانے ميں كمپيوٹركلچر اور انڈسٹري كے حلقوں ميں ايك لفظ بهت استعمال هوتا هے، اور وه هے — تخليقي حل (creative solution)يعني جب كوئي نيا مسئله پيش آئے تو اس كے بارے ميں ازسرِ نو غور كرنا، نئے انداز سے مسئلے كا حل تلاش كرنا۔ اس طرح جو حل دريافت هوتا هے، اس كو تخليقي حل كهاجاتا هے۔ تخليقي طرزِ فكر ايك نيا ذهن ديتاهے، جس كي روشني ميں مسئلے كا زياده موثر حل دريافت كيا جاسكے:

A creative solution gives a fresh perspective to a challenging problem.

تخليقي حل كا اصول صرف كمپيوٹر كا اصول نهيں هے، بلكه يه فطرت كا ايك عام اصول هے۔ كمپيوٹر كي دنيا ميں اِس اصول كا سيكولر استعمال كيا گياهے۔ يهي اصول خود اسلام ميں بھي پوري طرح مطلوب هے۔ اسلام ميں جس چيز كو اجتهاد كهاگيا هے، اُس سے مراد يهي اصول هے۔ خواه مذهب كا دائره هو يا سيكولر دائره، هر دائرے ميں بار بار اِس كي ضرورت پيش آتي هے كه لوگ كھلے ذهن كے ساتھ از سرِ نو غور كريں۔ وه تعصب جيسي چيزوں سے بلند هو كر مسئلے كا نيا اور كارگر حل تلاش كريں۔

تخليقي ذهن (creative mind)كا مالك كون هے، يه وه انسان هے جو تعصبات (prejudices) سے خالي هو، جو چيزوں كے بارے ميں بے آميز انداز ميں سوچ سكے، جو آخري حد تك كھلا ذهن (open mind) ركھتا هو، جو اپني ذات سے اوپر اٹھ كر خالص موضوعي (objective) انداز ميں رائے قائم كرسكتا هو۔ يهي وه انسان هے جو كسي معاملے ميں تخليقي حل (creative solution) تك پهنچنے ميں كامياب هوتاهے۔

تعصب كا مزاج تخليقي ذهن كا پرده هے اور بے تعصبي كا مزاج تخليقي ذهن كو كھول دينے والا هے۔ اپنے آپ كو كھلے ذهن كے ساتھ سوچنے والا بنائيے، اپني فطرت كو هر حال ميں زنده ركھيے اور پھر آپ ديكھيں گے كه آپ كے ذهن نے مشكل ترين حالات ميں بھي مسئلے كا ايك قابلِ عمل حل دريافت كرليا هے۔