اختلاف ایک علمی روش

ابن القیم نے اپنی کتاب مدارج السالکین (جلد2، صفحہ52)میں اپنے استاذ شیخ ابن تیمیہ سے اختلاف کیا ہے۔ پھر اپنی اس روش کو درست قرار دینے کے لیے لکھا ہے کہ ہدہد اور اللہ کے نبی سلیمان کے درمیان درجہ کے اعتبار سے کتنا زیادہ فرق ہے ۔ اس کے باوجودقرآن کے مطابق، ہدہد نے سلیمان سے کہا کہ میں ایک ایسی بات جانتا ہوں جو آپ کو معلوم نہ تھی(27:22)۔ چنانچہ شیخ الاسلام اللہ کے نبی سے زیادہ بڑے عالم نہیں۔ اورشیخ الاسلام پر اعتراض کرنے والا ہدہد سے زیادہ کم علم نہیں:فَكَمْ بَيْنَ الْهُدْهُدِ وَنَبِيِّ اللهِ سُلَيْمَانَ؟ وَهُوَ يَقُولُ لَهُ ‌أَحَطتُ ‌بِمَا ‌لَمْ ‌تُحِطْ ‌بِه (النمل)۔ وَلَيْسَ شَيْخُ الْإِسْلَامِ أَعْلَمَ مِنْ نَبِيِّ اللهِ۔ وَلَا الْمُعْتَرِضُ عَلَيْهِ بِأَجْهَلَ مِنْ هُدْهُدٍ ۔ (ڈائری،6جون1997)